एखाद्या सिनेमात किंवा मालिकेत कुणी अतिशय रोचक पद्धतीने एखादा पदार्थ करत असेल,त्या पदार्थाचं वर्णन करत असेल, त्याचं सादरीकरण खास पद्धतीने करत असेल तर तो तसाच्या तसा करून बघावा किंवा खावा असं तुम्हाला वाटत असेल तर हा अस्सल खवैय्याचा गुण आहे हे लक्षात घ्या!
मलाही खूपदा असं वाटतं. गुलाबजाम असो की शेफ , राटाटुई असो की पास्ता... सगळं कसं साजरं दिसत असतं आणि ते आत्ता मला करायचंय असं वाटत असतं!
सध्या कोरियन वेबसिरीजच्या प्रेमात आहे. त्यात लोक जितकं खातात किंवा खाताना दाखवतात ते बघून फक्त भूक लागते ! आणि स्वयंपाक करताना जे दाखवतात ते बघून हळहळ !!! काय ते खेकडे,काय ते मासे,काय ते मांस आणि काय ती अंडी !!! किमची,नूडल्स, पॅनकेक्स,सूप्स, डंपलिंग्ज आणि अप्रतिम फळं !!!आपल्याला त्यातल्या फक्त भाज्या आणि फळंच खाऊन माहीत असतात. पण ते बघून बघून करायची खुमखुमी येते ती कुठं जिरवायची????
तर काल मी कोरियन सिरीज बघते म्हणून युट्यूबने मला आपोआप कोरियन रेसिपी शो दाखवायला सुरूवात केली! त्यात Maangchi नावाची एक सुबक ठेंगणी अपरनाकी मीनाक्षी चक्क शाकाहारी कोरियन पदार्थ शिकवत होती !!!!! म्हणजे मी कोरियन बघत असून शाकाहारी आहे हे ही युट्यूबला समजलं होतं 🙄
मग आपोआप डोळे बारीक करून ओठांचा चंबू करून बघत गेले बघत गेले बघत गेले....
काय ते भाज्या चिरणं, काय ते भांड्यांवरचं प्रेम दाखवणं, काय ते प्रेमानं,चांगलं चुंगलं खावं म्हणजे अंगी लागतं असं मागे लागणं, काय ते वस्तू वाया जाऊ नये म्हणून आटापिटा करणं, काय ते चव घेऊन दाखवणं अहाहा!!! ही खरं तर स पे मध्ये जन्मायची चुकून कोरियन झाली असं वाटलं बघा!
तर तिनं सहज गप्पा मारता मारता चक्क थालिपीठ लावलं की हो !
म्हणजे आधी लीक, कुर्जेट, रताळी,कोबी अशा भाज्या,मिर्चीकांदे छान उभे काडेपेटीतल्या काड्यांसारखे भरारा चिरून घेतले. त्यात मीठ आणि दोनच चमचे मैदा घातला आणि कपभर पाणी घातलं. मग पॅन मध्ये जरा जास्त तेल घालून हे मिश्रण थापलं आणि खरपूस कुरकुरीत भाजून घेतलं ! झालं की तयार!
सोबत काय तर सोया सॉस,व्हीनिगर, साखर आणि चमचाभर लाल तिखट एकत्र केलं,त्यात मीठ घालून फेटून घेतलं की झालं!
एवढं सोपं प्रकरण दिसायला एवढं भारी होतं की रात्रीचे 11 वाजले होते म्हणून करून खायला लाजले !
आज सोडते व्हय !
लीक,पिवळा कुरजेट, गाजर,मिर्ची, थोडे मश्रूम चिरून त्यात बाईंडिंग होईल एवढंच तांदळाचं पीठ घातलं आणि कमी तेलावर मंद आचेवर खरपूस भाजलं. याचं नाव Yachaejeon असं आहे म्हणे.
याचाएजेवोन सोबत परतलेला टोफू आणि स्वीट चिली सॉस!
हं, हे बघा !
आता इतर देशीय स्वयंपाकात मला कोरियन पण करता येतं असं मिरवायला मोकळी 😊
तुम्हाला कोणत्या सिनेमात किंवा मालिकेत बघून काय खावं वाटलं ते कमेंट्स मध्ये सांगा बरं का!!
मलाही खूपदा असं वाटतं. गुलाबजाम असो की शेफ , राटाटुई असो की पास्ता... सगळं कसं साजरं दिसत असतं आणि ते आत्ता मला करायचंय असं वाटत असतं!
सध्या कोरियन वेबसिरीजच्या प्रेमात आहे. त्यात लोक जितकं खातात किंवा खाताना दाखवतात ते बघून फक्त भूक लागते ! आणि स्वयंपाक करताना जे दाखवतात ते बघून हळहळ !!! काय ते खेकडे,काय ते मासे,काय ते मांस आणि काय ती अंडी !!! किमची,नूडल्स, पॅनकेक्स,सूप्स, डंपलिंग्ज आणि अप्रतिम फळं !!!आपल्याला त्यातल्या फक्त भाज्या आणि फळंच खाऊन माहीत असतात. पण ते बघून बघून करायची खुमखुमी येते ती कुठं जिरवायची????
तर काल मी कोरियन सिरीज बघते म्हणून युट्यूबने मला आपोआप कोरियन रेसिपी शो दाखवायला सुरूवात केली! त्यात Maangchi नावाची एक सुबक ठेंगणी अपरनाकी मीनाक्षी चक्क शाकाहारी कोरियन पदार्थ शिकवत होती !!!!! म्हणजे मी कोरियन बघत असून शाकाहारी आहे हे ही युट्यूबला समजलं होतं 🙄
मग आपोआप डोळे बारीक करून ओठांचा चंबू करून बघत गेले बघत गेले बघत गेले....
काय ते भाज्या चिरणं, काय ते भांड्यांवरचं प्रेम दाखवणं, काय ते प्रेमानं,चांगलं चुंगलं खावं म्हणजे अंगी लागतं असं मागे लागणं, काय ते वस्तू वाया जाऊ नये म्हणून आटापिटा करणं, काय ते चव घेऊन दाखवणं अहाहा!!! ही खरं तर स पे मध्ये जन्मायची चुकून कोरियन झाली असं वाटलं बघा!
तर तिनं सहज गप्पा मारता मारता चक्क थालिपीठ लावलं की हो !
म्हणजे आधी लीक, कुर्जेट, रताळी,कोबी अशा भाज्या,मिर्चीकांदे छान उभे काडेपेटीतल्या काड्यांसारखे भरारा चिरून घेतले. त्यात मीठ आणि दोनच चमचे मैदा घातला आणि कपभर पाणी घातलं. मग पॅन मध्ये जरा जास्त तेल घालून हे मिश्रण थापलं आणि खरपूस कुरकुरीत भाजून घेतलं ! झालं की तयार!
सोबत काय तर सोया सॉस,व्हीनिगर, साखर आणि चमचाभर लाल तिखट एकत्र केलं,त्यात मीठ घालून फेटून घेतलं की झालं!
एवढं सोपं प्रकरण दिसायला एवढं भारी होतं की रात्रीचे 11 वाजले होते म्हणून करून खायला लाजले !
आज सोडते व्हय !
लीक,पिवळा कुरजेट, गाजर,मिर्ची, थोडे मश्रूम चिरून त्यात बाईंडिंग होईल एवढंच तांदळाचं पीठ घातलं आणि कमी तेलावर मंद आचेवर खरपूस भाजलं. याचं नाव Yachaejeon असं आहे म्हणे.
याचाएजेवोन सोबत परतलेला टोफू आणि स्वीट चिली सॉस!
हं, हे बघा !
आता इतर देशीय स्वयंपाकात मला कोरियन पण करता येतं असं मिरवायला मोकळी 😊
तुम्हाला कोणत्या सिनेमात किंवा मालिकेत बघून काय खावं वाटलं ते कमेंट्स मध्ये सांगा बरं का!!
No comments:
Post a Comment